ტრენინგ-მოდულის მიზანია გააცნოს სპეციალისტებს და დაინტერესებულ პირებს ორმაგი დიაგნოზების მართვის, კლინიკური პრაქტიკის ეროვნული რეკომენდაცია (გაიდლაინი). ასევე, შექმნას ორმაგი დიაგნოზების მართვის მიზნით ნარკოლოგიური და ფსიქიატრიული სერვისების სინქრონიზაციის, ინტეგრირებული ზრუნვის დანერგვისთვის აუცილებელი საფუძველი, რომელიც ეფუძნება სამეცნიერო მტკიცებულებებს, ავტორიტეტული საერთაშორისო ორგანიზაციების რეკომენდაციებს და სხვადასხვა საუკეთესო პრაქტიკებს.

ონლაინ ტრენინგის მიზანია წამალდამოკიდებულების დარგში მომუშავე სპეციალისტებს გააცნოს წამალდამოკიდებულების სიმძიმის შეფასებისთვის მოწოდებული კომპლექსური ინსტრუმენტი -  Addiction Severity Index (ASI) და ასწავლოს ინსტრუმენტის პრაქტიკაში გამოყენება.

ონლაინ ტრენინგის მიზანია მსმენელს მიაწოდოს ინფორმაცია ფსიქოაქტიური ნივთიერებების ცენტრალურ ნერვულ სისტემაზე ზემოქმედების მიხედვით კლასიფიკაციის შესახებ, ასევე დეპრესანტების, სტიმულატორების და ჰალუცინოგენების მახასიათებლების შესახებ. ასევე, სხვადასხვა კლასის ფსიქოაქტიური ნივთიერებების ფიზიკურ და ფსიქიკურ ჯანმრთელობაზე გავლენის და ორსულობის პერიოდში ფსიქოაქტიური ნივთიერებების მოხმარებით გამოწვეული შედეგების შესახებ.

ონლაინ ტრენინგის მიზანია მსმენელს მიაწოდოს მტკიცებულებაზე დაფუძნებული ცოდნა კანაფის პროდუქტების მოხმარებით გამოწვეული აშლილობების სკრინინგის, შეფასების, კლინიკური მიმდინარეობის და მართვის მიდგომების თაობაზე, ასწავლოს კანაფის მოხმარების შემცირებით ან შეწყვეტით გამოწვეული აღკვეთი მდგომარეობის მართვა და რეციდივის პრევენციის მიდგომები.

ონლაინ ტრენინგის მიზანია მსმენელს მიაწოდოს მტკიცებულებაზე დაფუძნებული ცოდნა ფსიქოაქტიური ნივთიერებების მოხმარების ბიოფსიქოსოციალური მოდელის, ინტეგრირებული ზრუნვის, ინდივიდუალური მკურნალობის გეგმის, სერვისებს შორის რეფერირების და ინფორმაციის გაცვლის შესახებ. ასევე ასწავლოს მკურნალობის გეგმის შემუშავება და რეფერირების სამოდელო ფორმის გამოყენება.

ონლაინ ტრენინგის მიზანია მსმენელს მიაწოდოს მტკიცებულებაზე დაფუძნებული ცოდნა: ახალი ფსიქოაქტიური ნივთიერებების (აფნ) კლასიფიკაციის შესახებ, ასევე აფნ-ს ფიზიკურ და ფსიქიკურ ჯანმრთელობაზე გავლენის შესახებ.