20-22 სექტემბერს "ალტერნატივა ჯორჯიას" ორგანიზებით გაიმართა შეხვედრა პროექტში"ზრუნვა, პრევენცია და უფლებები" მონაწილე ორგანიზაციების წარმომადგენლებთან. შეხვედაზე პროექტის კოორდინატორმა, მზია ტაბატაძემ შეაჯამა აქტივობები, რომელიც განხორციელდა პროექტის ფარგლებში.&nbsp;
&nbsp;
"ალტერნატივა ჯორჯიას" ექსპერტებმა ირმა კირთაძემ და დავით ოთიაშვილმა ნომინალური ჯგუფის ტექნიკის გამოყენებით გამართეს დისკუსია იმ ადგილობრივი და გლობალური გამოწვევების შესახებ, რომლებიც ეხება ადიქციის სერვისების ხარისხსა და მათზე წვდომას. შეხვედრის მონაწილეებმა ისაუბრეს დარგში არსებულ პრობლემებზე და პრიორიტეტებზე.&nbsp;
&nbsp;
"საქართველოს ადიქტოლოგთა ასოციაცია" CPR პროექტის გრანტის ფარგლებში ახორციელებს მტკიცებულებებზე დაფუძნებულ ინტეგრირებული ზრუნვის პილოტირებას და დანერგვას წამალდამოკიდებულების სპეციალიზებულ სერვისებში. პრიექტის კოორდინატორმა, მარიამ შეროზიამ ისაუბრა იმპლემენტაციური კვლევის წინასწარ შედეგებზე.&nbsp;
&nbsp;
შეხვედრა დაფინანსებულია ევროკავშირის და სამოქალაქო საზოგადოების ფონდის მიერ. შინაარსზე სრულად პასუხისმგებელია ალტერნატივა ჯორჯია და შესაძლოა, იგი არ გამოხატავდეს ევროკავშირის შეხედულებებს.

სამუშაო შეხვედრა "ზრუნვა, პრევენცია და უფლებების" პროექტის მონაწილე და ადიქციის დარგში პარტნიორი ორგანიზაციების წარმომადგენლებთან

2024 წლის 7-9 ივნისს, ევროკავშირის მიერ დაფინანსებული CPR პროექტის ფარგლებში, ალტერნატივა ჯორჯიას ორგანიზებით, გაიმართა გასვლითი შეხვედრა პროტოკოლების შემუშავების მრჩეველთა ჯგუფთან (PDAG).
&nbsp;
თემატურ შეხვედრაში მონაწილეობას იღებდნენ ადიქციის დარგის ექსპერტები (მათ შორის ნარკოლოგები, ფსიქიატრი, ჯანდაცვის ექსპერტები და სხვა). შეხვედრის ფარგლებში სპეციალისტებმა განიხილეს ორი სახელმძღვანელო:
&nbsp;
<ul>
<li style="text-align: justify;">ორსულობის დროს ფსიქოაქტიური ნივთიერებების მოხმარების მართვა;</li>
<li style="text-align: justify;">სტიმულატორების მოხმარების მართვა.</li>
</ul>
&nbsp;
ალტერნატივა ჯორჯიას ექსპერტებმა შეხვედრის მონაწილეებს წარუდგინეს აღნიშნული ორი დოკუმენტის სამუშაო ვერსია. მიიღეს მათგან უკუკავშირი და კომენტარები, რომელთა ინტეგრირებაც მოხდება საბოლოო სახელმძღვანელოებში. რის შემდეგაც იგეგმება პროტოკოლის/გაიდლაინის დასამტკიცებლად ადვოკატირება.

თემატური შეხვედრა პროტოკოლების შემუშავების მრჩეველთა ჯგუფის მონაწილეობით

2023 წლის 12 დეკემბერს &bdquo;ალტერნატივა ჯორჯიას" ორგანიზებით გაიმართა ფსიქოაქტიური ნივთიერებების შესახებ ინფორმირებულობის ამაღლებაზე მიმართული ღონისძიებება.
&nbsp;
წლევანდელი ღონისძიების თემა იყო ახალი ფსიქოაქტიური ნივთიერებები. სპეციალისტებმა ლაივის განმავლობაში მიმოიხილეს ალკოჰოლისა და ნარკოტიკული საშუალებების მოხმარებასთან დაკავშირებული საკითხები და უპასუხეს ღონისძიების მიმდინარეობის განმავლობაში შემოსულ შეკითხვებს.
&nbsp;
ღონისძიების სრული ვიდეო ხელმისაწვდომია <a style="color: rgb(150, 33, 95);" href="https://www.youtube.com/watch?v=bTXSq_jfNdM&amp;list=PLQjH67PKVpFfpLq3dlb4hEu5ILI7O4ydb">ბმულზე</a>
&nbsp;

ფსიქოაქტიური ნივთიერებების შესახებ ინფორმირებულობის დღე 2023

პროექტის "ზრუნვა, პრევენცია და უფლებების" ფარგლებში გაიმართა გასვლითი შეხვედრა ადიქციის სფეროში მომუშავე პროფესიონალების ჩართულობით. შეხვედრას ესწრებოდნენ როგორც სამკურნალო, ასევე სარეაბილიტაციო, ზიანის შემცირების და პრევენციის სერვისების წარმომადგენლები.
&nbsp;
🔹შეხვედრის მონაწილეებმა ისაუბრეს კოორდინირებული ზრუნვის საერთაშორისო გამოცდილებისა და საქართველოში მისი დანერგვის შესახებ.
&nbsp;
🔹ალტერნატივა ჯორჯიას გუნდმა სერვისის მიმწოდებლებს წარუდგინა www.cpr.ge და გააცნო ინტეგრირებულ ზრუნვაში მისი გამოყენების პოტენციალი.&nbsp;

შეხვედრა ადიქციის სფეროში მომუშავე პროფესიონალებთან

ამ სახელწოდებით კონფერენცია გაიმართა სასტუმრო &bdquo;რედისონ ბლუ ივერიაში&ldquo;, რომლის ორგანიზატორი იყო ალიანსი უკეთესი ფსიქიკური ჯანმრთელობისთვის. ეს იყო პირველი მასშტაბური გაფართოებული შეხვედრა - კლინიცისტები საქართველოს ყველა რეგიონის ნარკოლოგიური და ფსიქიატრიული სერვისებიდან, დაწესებულების მენეჯერები, CPR-პროექტის პარტნიორები, ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროს და სახალხო დამცველის წარმომადგენლები.&nbsp;
&nbsp;
შეხვედრა გაიმართა ფსიქოაქტიური ნივთიერებებით გამოწვეული ფსიქიკური აშლილობების დროული და მიზნობრივი მართვისა და მკურნალობის ხელშეწყობის მიზნით.&nbsp;
&nbsp;
ძირითადი მოხსენებების შემდეგ გაიმართა დისკუსია. კონფერენციის მონაწილეებმა განიხილეს დარგებს შორის დისკოორდინაციით გამოწვეული სირთულეები და შეთანმხდნენ სამინისტროსთვის ოფიციალური მიმართვის წარდგენაზე, რომელიც ორ ძირითად საკითხს მოიცავს:
&nbsp;
1. &bdquo;ნარკოტიკული საშუალებების, ფსიქოტროპული ნივთიერებების, პრეკურსორებისა და ნარკოლოგიური დახმარების შესახებ&ldquo; კანონის დაუყოვნებლივ გადახედვა და &bdquo;ფსიქიკური ჯანმრთელობის შესახებ&ldquo; კანონის შესაბამისად სტაციონირების პირობების განსაზღვრა.
2. ჯანდაცვის სამინისტროსთან სამუშაო ჯგუფის შექმნა ფსიქიატრების, ნარკოლოგების და ამ დარგებში მომუშავე სხვა სპეციალისტების შემადგენლობით. ჯგუფის ამოცანა იქნება დარგებს შორის კოორდინაციის სამოქმედო გეგმის შემუშავება.
შეხვედრა აკრედიტებული იყო დარგის სპეციალისტებისთვის. ღონისძიება გაშუქდა მედიით.
&nbsp;
კონფერენცია გაიმართა ევროკავშირის მიერ დაფინანსებული პროექტის "ზრუნვა, პრევენცია და უფლებების" ფარგლებში &bdquo;საქართველოს ღია საზოგადოების ფონდის&ldquo; მხარდაჭერით.

კონფერენცია "ნარკოლოგიური და ფსიქიატრიული პრობლემების კომპლექსური მართვის ხელშეწყობა"

სოციალური სამართლიანობის ცენტრმა წარადგინა სასკოლო უსაფრთხოებისა და დანაშაულის პრევენციის პოლიტიკის კვლევები.
&nbsp;
სასკოლო უსაფრთხოება - ზოგადსაგანმანათლებლო დაწესებულებებში უსაფრთხოების პოლიტიკის დაგეგმვისა და აღსრულების ანალიზი - https://shorturl.at/adfJ9 სკოლის პოლიტიკა ფსიქოაქტიურ ნივთიერებებსა და უსაფრთხოებასთან დაკავშირებით - https://shorturl.at/hnst5 დანაშაულის პრევენციის პოლიტიკა საქართველოში - https://shorturl.at/gmPQ7
&nbsp;
<ul>
<li style="text-align: justify;">სასკოლო უსაფრთხოების კვლევამ აჩვენა, რომ &bdquo;უსაფრთხო სკოლის&ldquo; ქართული მოდელი ეყრდნობა უსაფრთხოებაზე ორიენტირებულ მიდგომას. ვიდეო-მონიტორინგი, მეტალოდეტექტორები, მანდატური და სასკოლო დარღვევების ელექტრონული საინფორმაციო ბაზა, ქმნიან ისეთ ატმოსფეროს, რომელიც არ შეესაბამება &bdquo;უსაფრთხო სკოლის&ldquo; თანამედროვე მიდგომებს. აღნიშნული ნეგატიურად აისახება, მათ შორის, ქვეყანაში მოქმედ დანაშაულის პრევენციის პოლიტიკაში სასკოლო უსაფრთხოების კუთხით არსებული გამოწვევების ინტეგრაციაზე.</li>
<li style="text-align: justify;">დოკუმენტები შეიქმნა ევროკავშირის მხარდაჭერით მიმდინარე პროექტის &ndash; &bdquo;სამოქალაქო საზოგადოების და პროფესიული ორგანიზაციების გაძლიერება საქართველოში უსაფრთხო, დაცული და პასუხისმგებლიანი საზოგადოების მხარდასაჭერად&ldquo; ფარგლებში. პროექტი ემსახურება ქვეყანაში მტკიცებულებებზე დაფუძნებული პოლიტიკის გატარების ხელშეწყობას.</li>
</ul>

 სასკოლო უსაფრთხოებისა და დანაშაულის პრევენციის პოლიტიკის კვლევები

ალტერნატივა ჯორჯიას ორგანიზებით გაიმართა პროტოკოლების შემუშავების მრჩეველთა ჯგუფის შეხვედრა, სადაც ნარკოლოგებისა და ფსიქიატრებისგან შემდგარმა ექსპერტთა ჯგუფმა განიხილა ახალგაზრდებში ფსიქოაქტიური ნივთიერებების მოხმარების მართვის საკითხი.
&nbsp;
შეხვედრა გაიმართა ევროკავშირის მიერ დაფინანსებული პროექტის "ზრუნვა, პრევენცია და უფლებების" ფარგლებში

ახალგაზრდებში ფსიქოაქტიური ნივთიერებების მოხმარების მართვა

ალტერნატივა ჯორჯიას წარმომადგენლებმა ჩანაცვლებითი თერაპიისა და ზიანის შემცირების ექსპერტებთან ერთად სამუშაო შეხვედრა გამართეს გადაუდებელი მდგომარეობების დროს წამალდამოკიდებულების სერვისების მართვის მეთოდური სახელმძღვანელოს შექმნის შესახებ. შეხვედრა გაიმართა ევროკავშირის მიერ დაფინანსებული პროექტის "ზრუნვა, პრევენცია და უფლებების" ფარგლებში
&nbsp;
<h5 style="text-align: justify;">სახელმძღვანელოს შექმნის მიზანია, წამალდამოკიდებულების სერვისებში მომუშავე პროფესიონალებმა უწყვეტი სერვისის მიწოდება შეძლონ ქვეყანაში გადაუდებელი მდგომარეობების გამოცხადების დროს.</h5>
&nbsp;

გადაუდებელი მდგომარეობების დროს წამალდამოკიდებულების მართვა

ალტერნატივა ჯორჯიამ ევროკავშირის ფინანსური მხარდაჭერით გამართა ფსიქოაქტიური ნივთიერებების შესახებ ინფორმირებულობის ამაღლებაზე მიმართული ღონისძიება, რომელიც გაიმართა ონლაინ რეჟიმში.
 ღონისძიების დროს სკოლის მოსწავლეებს, მასწავლებლებს, მშობლებს და სხვა დაინტერესებულ პირებს ჰქონდათ შესაძლებლობა, რომ ფსიქოლოგისთვის, ნარკოლოგისთვის, იურისტისთვის და ფსიქიატრისთვის დაესვათ შეკითხვები ალკოჰოლისა და ნარკოტიკული საშუალებების მოხმარებასთან დაკავშირებით, რომელზეც დარგის ექსპერტებმა სამეცნიერო მტკიცებულებებზე დაფუძნებული პასუხები გასცეს. ღინისძიება მიმდინარეობდა ონლაინ Facebook-ზე, რომელიც შეგიძლიათ იხილოთ <a href="https://www.youtube.com/watch?v=QOLYOKOmOXw&amp;ab_channel=AlternativeGeorgia%E2%80%A2%E1%83%90%E1%83%9A%E1%83%A2%E1%83%94%E1%83%A0%E1%83%9C%E1%83%90%E1%83%A2%E1%83%98%E1%83%95%E1%83%90%E1%83%AF%E1%83%9D%E1%83%A0%E1%83%AF%E1%83%98%E1%83%90" target="_blank" rel="noopener">ვიდეოში</a>.

ფსიქოაქტიური ნივთიერებების შესახებ ინფორმირებულობის დღე

განხორციელებული და სამომავლო აქტივობები

ღონისძიებები

ზრუნვა, პრევენცია და ადამიანის უფლებები