2025 წლის 15 მაისს ევროკავშირის მიერ მხარდაჭერილი პროექტის - ზრუნვა, პრევენცია, უფლებების - დასკვნითი ღონისძიება გაიმართა.&nbsp;
&nbsp;
პროექტი მიმდინარეობდა სამი წლის განმავლობაში, სამოქალაქო საზოგადოების ფონდისა და ექვსი პარტნიორი ორგანიზაციის ერთობლივი თანამშრომლობით: ალტერნატივა ჯორჯია, სოციალური სამართლიანობის ცენტრი, საქართველოს საოჯახო მედიცინის კავშირი, საზოგადოებრივი გაერთიანება ბემონი, კავშირი ნაბიჯი მომავლისაკენ (გორი) და ფსიქოლოგთა და ექიმთა ასოციაცია ქსენონი (ზუგდიდი).
&nbsp;
CPR პროექტის მთავარი მიზანი იყო ფსიქოაქტიური ნივთიერებების მოხმარებასთან დაკავშირებული რისკების შესახებ ინფორმირების გაზრდა საზოგადოებაში, ასევე ფსიქოაქტიური ნივთიერებების მოხმარების სამკურნალო და სარეაბილიტაციო სერვისების გაუმჯობესება, უკეთესი მკურნალობის გამოსავლების მისაღწევად. ამასთანავე, პროექტი მოიცავდა ადამიანის უფლებებზე დაფუძნებული ნარკოპოლიტიკის დანერგვას. პროექტის ფარგლებში დარგის პროფესიონალების და სპეციალისტების ჩართულობით გახდა შესაძლებელი დასახული მიზნების მიღწევა.&nbsp;
&nbsp;
მათ შორის შეიქმნა CPR გვერდი, რომელიც თავს უყრის დარგში არსებულ, მტკიცებულებებზე დაფუძნებულ ინფორმაციას, ასევე აკრედიტირებულ ტრენინგის მოდულებს, ვიდეო და საკითხავ მასალებს, ასევე ფსიქოაქტიური ნივთიერებების ბორბალსა და რისკის ცხრილს.&nbsp;ვებ-გვერდი ხელმისაწვდომია, როგორც ზოგადი მოსახლეობისთვის, ასევე ფსიქოაქტიური ნივთიერებების მომხმარებლებისთვის, მასწავლებლებისთვის, ექიმებისთვის და სხვა დაინტერესებული ადამიანებისთვის.&nbsp;

პროექტის - ზრუნვა, პრევენცია, უფლებები დასკვნითი ღონისძიება

ზრუნვა, პრევენცია და ადამიანის უფლებები

გალერეა